|
Anggie Sri Mulyati
|
|
Monday, 01 December 2008 |
Urang eusian bubuleud bulan purnama
samemeh nini anteh jeung ucingna unggah
ngageugeuh bulan
Urang guar simpena peuting na bobodas bulan
nu teu weleh ngalangkangan langit
ngahiap bentang
Hayu gancang urang nonggoh
nete taraje ka langit
ulah tepi ka nini anteh jeung ucingna kaandih
Urang saba ganggongna urang taratas eusina
tepi ka bubuleud bulan ngorotan
tepi ka bubuleud bulan kari sapotong digegel langit
tepi ka bubuleud bulan beak diteureuy peuting
Kota Kidul, Juli 2002
|
|
SAKAPEUNG aya keneh nu masualkeun, alatan aksara Sunda ngarandapan kaayaan nu nogencang. Utamana, sual fungsi. Apan, kiwari mah geus tara dipake, naha bet dihudangkeun deui? Teu ngabibisani, sual fungsi ragot dipadungdengkeun. Dina emprona, urang Sunda sorangan geus ninggalkeun aksara Sunda kuno, nu kungsi dipake ku karuhunna.
